Lamentations 4
1aBangci in kham a hoihna kikin,a tee keuhkeuhte mual ahi hiam?
Lampi dung tengah a siangtho suangmanphate
kithehthang hi.
2 Hun khat lai-a manphatna
kham tawh a kiteh Zion tapate
bang ci-in tu-in beelsekpa in
a khuta a sek leibeel banga kingaihsun a hia!
3 Se-alte nangawn in a note
nawi pia thei buang hiven,
ka mite in lah sehnel-gam a
kala-oh vasate bangin hehpihna a nei kei uh hi.
4 Naungekte dangtakin a lei uh
a dangtunguah belh a; a
a tate un anlum a nget uh hangin
kuamah in a pia kei hi.
5 Hun khat lai-a anlim nete
kongzing lakah hawmsuak uh hi.
Puan hoih pen nuai-a khangkhiate b
tu-in vutbuakna ah lum ta uh hi. c
6 Ka mite dan thuakna pen,
a huh ding khut khat zong a kikhak man lo
thakhat thu-a a kilawnthal
Sodom thuakna sangin lianzaw hi. d
7 A kumpi tapate uh vuk sangin pakzaw uh a,
nawizu sangin ngozaw uh hi.
A pumpi uh ruby suang sangin ngilzaw a,
amai puak uh sapphires b a bang hi.
8 Ahi hangin amaute tu-in suangmeihol sangin vomzaw uh a, e
lamdungah kuamah in a thei kei hi.
A vun uh a guh tunguah belhcip a, f
ciangkhut bangin a keu hi.
9 Kialpi-a puksite sangin
namsau a kithatte hampha zaw hi.
A lo sunga piangte gaikhin uh a, g
an duha gawngtaam ahi uh hi.
10 Ka mite a kisuksiat lai-in
a khuatuah siam numeite in
an dingin a tate uh bawlin
a huan uh hi. h
11 TOPA in a thangpaihna a vekin suahkhia ta hi, i
a heh luatna a sungkhia hi. j
Mei-in Zion hala a bulpite
a kangtum hi. k
12 Leitung kumpite le leitung a teng mi peuhmah in
Jerusalem kongpite ah
galte a langte lut zo kei in teh ci-a
a up laitak ahi hi. l
13 Ahih hangin ama sungah
a thumante sisan luanna a piangsak
kamsangte mawhna hang le m
siampite ginatlohna hanga piang ahi hi.
14 Tu-in amaute in mittawte bangin
kongzing teng a zawt kawikawi uh hi.
A puantualpite uh kuama lawn ngam loh dingin
sisanin a nin hi.
15 Mite in, “Mi ninte paikhia un,” ci-in amaute ki-otsan hi.
“Paikhia un! Paikhia un! Kote hong lawngkha kei un!” ci uh hi.
Amaute tai-in a vak kawikawi na-uah
minamte laka mite in,
“Amaute hih lai-ah om thei nawn lo ding uh hi,” ci uh hi. n
16 TOPA mahmah in amaute thehthangin
amaute a cing nawn kei hi. o
Siampite kipahtawi loin upate
a ki-angvan kei hi. p
17 Tua tham loin huh ding lamena
ka khua dakdakna un ka mit uh kham ta hi;
ka tausang panun ko hong hon zo lo ding
minam ka galet uh hi. q
18 Mite in ka khekhap uh hong zui a,
ka kongzingte uah ka vakkhia thei kei uh hi.
Ka hun beina uh tungta ahi manin ka ni uh bei ta a,
ka hun uh a nai ta hi.
19 Hong nungdelhte vana muvanlai sangin
manlangzaw uh hi;
mualtungah hong zandelh uh a, r
gamsungah zong hong buksim uh hi. s
20 TOPA sathau nilhsa ka naksuk ka naktohna uh t
amaute’ thangah a awk ta hi.
Kote in minamte lak ama liim nuai-ah i nungta ding hi,
ci-in ka ngaihsun uh hi.
21 Uz gama teng no Edom Tanute aw,
nuamin kilungdamsak un.
Ahi hangin note tungah zong tua hai mah hong kihawm veve ding a, u
khamin na guaktang un na om ding uh hi. v
22 Zion Tanu aw, na dan thuakna beita ding hi.
Amah in nang salin hong kikaisak nawn kei ding hi.
Ahi hangin Edom Tanu aw, na mawhna dan hong pia dinga,
na gitlohnate a pholak ding hi.
Copyright information for
ZomZIV